ముక్తలేఖ

అన్ని రకాల కాల్క్ లేటర్లు... ఇక్కడ

2012-01-17T18:34:00.011+05:30

ఈ వెబ్ పేజ్ లో అన్నిరకాల కాల్క్ లేటర్లు వున్నాయి. కింద ఇచ్చిన లింకును నొక్కండి.

1) సింపుల్ కాల్క్ లేటర్
2) సైంటిఫిక్ కాల్క్ లేటర్
3) మాథ్ కాల్క్ లేటర్
4) అబాకస్
5) బీ. ఎం. ఐ. కాల్క్ లేటర్
6) స్టాప్ వాచ్
7) డార్ట్ కాల్క్ లేటర్ వున్నాయి.

పేజ్ లో కింద ఇచ్చిన స్క్వేర్ బాక్స్ లలో వున్న కాల్క్ లేటర్ లని నొక్కండి. వివిధ రకాల కాల్క్ లేటర్ లు లభ్యం.

ఈ కాల్క్ లేటర్లు కీ బోర్డ్ ద్వారా కూడా పని చేస్తాయని సైట్ లో వుంది కానీ నాకు పని చేయలేదు. మీకేమన్నా పని చేస్తుందేమో చూడండి

ప్లాస్టిక్ వల్ల వచ్చే అనర్ధాలు

2011-12-26T19:31:00.020+05:30

1)ప్లాస్టిక్ పారేసినపుడు సహజంగా అది భూమిలో కలిసి పోదు. ఉదాహరణకు ఆకులూ, పేపర్లూ పారేస్తే అవి భూమిలో కలిసి పోయి నసించిపోయినట్టు ప్లాస్టిక్ కలవదు.
2)ప్లాస్టిక్ ను భూమిలో పాతితే ఎన్నాళ్ళైనా, ఎన్నేళ్ళైనా అలాగే ఉంటుంది. కొన్నాళ్ళకి హానికరమైన రసాయనాలని భూమిలోకి వదులుతుంది.
3)మండిస్తే విష వాయువులను వెద చల్లుతుంది.
ప్లాస్టిక్ ను ఏమి చేసినా/చేయకపోయినా మనకు అనర్ధాలే. అందుకే ప్లాస్టిక్ వద్దు అని చెప్పండి. 'SAY NO TO PLASTIC'.

మనం ప్రతిరోజూ ప్లాస్టిక్ వస్తువులు ఎన్నో ఉపయోగిస్తున్నాము. అందులో ఎక్కువ ప్లాస్టిక్ కవర్స్, ప్లాస్టిక్ బాటిల్స్ ఉంటున్నాయి. ప్లాస్టిక్ బాటిల్స్ తయారు చేసేటప్పుడు ఉపయయోగించే బిస్పినోల్ A లేక BPA అనే రసాయనం వల్ల ఆరోగ్యానికి ఎంతో నష్టం కలుగుతుంది. ప్లాస్టిక్ బాటిల్స్ లో వుండే నీరు BPA తో కలవటం వల్ల కాన్సర్ వచ్చే అవకాశం వుంది.

ఒక నివేదిక ప్రకారం BPA అనేది కృత్రిమమైన రసాయనం. ఇది శరీరం లోకి వెళ్ళినపుడు శరీరం లో వుండే సహజమైన కమ్యూనికేషన్ వ్యవస్థ పై ప్రభావం చూపుతుంది. ప్లాస్టిక్ బాటిల్స్ ఎక్కువ రోజులు ఉపయోగించటం వల్ల అందులోని ప్రమాదకరమైన రసాయనాలు (ప్లాస్టిక్ తయారు చేయటానికి వుపయోగించిన రసాయనాలు) లీక్ అయి బయటకు వచ్చే ప్రమాదం ఉంది. వీటిని మనం పారేసినా, వాతావరణం లోకి గాని, భూమిలోకి గాని రసాయనాలు లీక్ అయే ప్రమాదం ఉంది.

మనం ఉపయోగించే ప్లాస్టిక్ బాటిల్స్ చాలా వరకు భూమి కింద కప్పబడి వున్నాయి. దీని వల్ల మట్టి, ఈ బాటిల్స్ నుంచి వచ్చే విష పదార్ధాలతో కలిసి కలుషితం అవుతుంది. మట్టి కలుషితం అయితే మొక్కలు పెరగటం చాలా కష్టం. విష పదార్ధాలు ఇంకా ఎక్కువ భూమి లోపలికి వెళితే భూమి కింద వుండే సహజమైన నీరు కూడా కలుషితం అవుతుంది.

ప్లాస్టిక్స్, ప్రత్యేకంగా బాటిల్స్ తయారు చేయటానికి కూడా చాలా ఇంధనము అవసరం అవుతుంది. దీనివల్ల శిలాజ ఇంధనం (fossil fuel) చాలా వరకు తగ్గిపోయే ప్రమాదం ఉంది. ఒక దేశం నుంచి ఇంకో దేశంకు ఈ బాటిల్స్ తరలించ డానికి, మరల బాటిల్స్ చల్లగా ఉంచడానికి రిఫ్రిజిరేట్ చేయటం వల్ల ఎంతో ధనం, విద్యుత్తు ఖర్చు అవుతుంది. దీన్ని పరిమితమైన ఇంధనాలను వృధా చేయటంగా పరిగణించ వచ్చు.

బాటిల్స్ ను తయారు చేసే పరిశ్రమలు ఎన్నో విష పదార్ధాలను, విష వాయువులను వాతావరణం లోకి వదిలి వేస్తున్నాయి. ఇవి గాలిని కలుషితం చేస్తాయి. భూ తాపాన్ని(Global Warming) పెంచుతాయి. పరిశ్రమలు బాటిల్స్ ను తయారు చేసేటప్పుడు BPA ఉపయోగించకుండా వుంటే వాతావరణం కొంతవరకు కలుషితం కాకుండా కాపాడ గలుగుతాము.

ఈ సారి మీరు ప్లాస్టిక్ బాటిల్ కొనాల్సి వస్తే BPA లేకుండా తయారు చేసిన ప్లాస్టిక్ బాటిల్స్ ఉపయోగించటం మంచిది. అల్యూమినియం లేదా స్టీల్ బాటిల్స్ వుపయోగించటం ఇంకా మంచిది. అలాగే ప్లాస్టిక్ కవర్స్ బదులు బట్టతో చేసిన కవర్లు గాని, పేపర్ తో చేసినవి కానీ ఉపయోగించండి. కొత్త ప్లాస్టిక్ కవర్లు అడగకుండా, ఎవరైనా ఇచ్చినా తీసుకో కుండా, బయటకు వెళ్ళినప్పుడు మీరే ఒక గుడ్డతో చేసిన కవర్ ను మీ హ్యాండ్ బాగ్ లో వుంచు కోండి. గుడ్డతో చేసిన కవర్ లేకపోతే ఈ రోజే వెళ్లి కొనుక్కోండి లేదా తాయారు చేయించు కోండి. ప్లాస్టిక్ ని ఇంటికి తెచ్చుకున్నా మంటే కోరి కష్టాలని ఇంటికి తెచ్చు కున్నట్టే. ఈ విధంగా ఎందుకు చెప్తున్నాను అంటే అగ్ని ప్రమాదం జరిగినప్పుడు ప్లాస్టిక్ వస్తువులు త్వరగా మండి పెద్ద మంట ను త్వరగా వ్యాపించేలా చేస్తాయి. మరి మిరే నిర్ణఇంచుకోండి.

జేసుదాసు గారి 'జానకీ జానే' భజన (సంస్కృతం)

2011-12-25T21:32:00.007+05:30

జానకీ జానే రామా ....

ఓ చిన్న సర్దార్ జీ జోక్

2011-06-27T22:00:00.002+05:30

ఒకానొక సాప్ట్ వేర్ కంపెనీ లో ముగ్గురు ఫ్రెండ్స్ వున్నారు. ఒకరు తెలుగు, ఇంకొకరు తమిళ్, మరొకరు ఒక సర్దార్ జీ.
ముగ్గురూ రోజూ లంచ్ టైం లో కలుసుకునే వారు. ఒకరోజు తెలుగు అతను అన్నాడు చా... మా ఆవిడ రోజూ గోంగూర పప్పే వండి కారియర్ లో పెడుతోంది. సరే ఈ రోజు చూస్తాను. రేపు గనక గోంగూర పప్పే కారియర్ లో వుంటే ఈ ఏడో ఫ్లోర్ నుంచి దూకేస్తాను అన్నాడు. తమిళ్ అతను కూడా తన భార్య రోజూ సాంబారే వండుతోందనీ, రేపు గనక సాంబారే ఉంటే కారియర్ లో తను కూడా ఏడో ఫ్లోర్ నుంచి దూకేస్తాననీ అన్నాడు. అలాగే సర్దార్ జీ కూడా రేపు గనక నా కారియర్ లో చపాతీలు ఉంటే నేను కూడా ఏడో ఫ్లోర్ నుంచి దూకేస్తాను అన్నాడు.

మరుసటి రోజు ముగ్గురూ లంచ్ కి కలుసుకున్నారు. తెలుగు అతను కారియర్ తెరిచి అన్నాడు చా... మా ఆవిడ ఈ రోజు కూడా గోంగూర పప్పే వండింది అని ఏడో ఫ్లోర్ నుంచి దూకేస్తాడు. అలాగే తమిళ్ అతను కూడా సాంబార్ ఉండటం వల్ల, ఏడో ఫ్లోర్ నుంచి దూకేస్తాడు. సర్దార్ జీ కూడా చపాతీలు ఉండటం వల్ల తను కూడా దూకేస్తాడు.

ఆ తర్వాత రోజు ముగ్గురు భార్యలూ (తెలుగు, తమిళ్, సర్దార్ జీ ల) కలిసి ఏడూస్తూ వుంటారు. అయ్యో! ఇలా చనిపోతాడని తెలిస్తే గోంగూర పప్పు చేసేదాన్ని కాదే? అని తెలుగు అతని భార్య ఏడుస్తూ వుంటుంది. అలాగే తమిళ్ అతని భార్య అయ్యో తెలిస్తే సాంబర్ చేసేదాన్ని కాదే అని ఏడుస్తూ వుంటుంది. కానీ సర్దార్జీ భార్య, నాకేమీ అర్థం కావట్లేదు. ఎందుకు చనిపోయాడో!!! రోజూ తనే వండుకుంటాడు అంది.

ఆనాటి మన భారతీయుల టెక్నాలజీ - 2

2011-06-21T13:45:00.005+05:30

భారతీయులు ఔపాసన పట్టని విద్య లేదు. ఆ కాలం లోనే నాగరికత, విజ్ణానం పరిణతి చెందాయని చెప్పటమే నా ఈ ప్రయత్నం.

ఆనాటి మన భారతీయుల టెక్నాలజి - 1 కోసం ఇక్కడ క్లిక్ చేయండి

రాముడి కాలం లోనే మనకు బ్రిడ్జి లను నిర్మాణం చేసే పరిగ్జానం వుంది. రామసేతువును నిర్మించిన రాళ్ళు ధనుష్కోటిలో ఇప్పటికి నీళ్ళల్లో తేలుతూనే వున్నాయి. రామ సేతువును కూడా ఇప్పటికీ చూడగలుగు తున్నాము అంటే మనవాళ్ళు ఎంత ఉద్దండులో అర్ఠమవు తుంది. రామాయణం నిజంగా జరిగింది అనీ, అలాగే దేముడు నిజంగా వున్నాడనీ నమ్మకం కలుగు తుంది. అంటే రెండు యుగాల కాలం క్రితమే మనకు ఈ టెక్నాలజి వుంది. 15 వ శతాబ్దం వరకూ సేతువు మీద నడవ గలిగే వారట. ఇప్పుడు దీనిపై నీరు కప్పబడి వుంది. అలాగే అప్పటి కాలం లోనే విమానాల కాంసెప్ట్ వుంది.

ప్రాచీన కాలంలో కట్టిన గుళ్ళలో సిమెంట్ వుపయోగించిన దాఖలాలు కనపడవు. గుడి పై కప్పు కూడా రాయితో నిర్మితమైనదే. అంత పెద్ద రాళ్ళని, పైకప్పునీ ఆ కాలం లో (క్రేన్స్ లేకుండా) ఎలా నిలబెట్టారో!! అలాగే అర్జనుడు ప్రతిష్టించిన లింగాలు ఇప్పటికీ కీసర గుట్టలో మనం చూడవచ్చు. ఒక యుగ కాలం క్రితం నిర్మించిన గుడులూ, కట్టడాలూ ఇంకా పటిస్టంగా నిలుచుని వున్నాయంటే అవి ఎంత గట్టివో మనకు అర్ధమౌతుంది. అందుకే 'Old is Gold' అంటారు.

27 నక్షత్రాలు, 9 గ్రహాలు ఉన్నాయనీ, అవి మనల్ని ప్రభావితం చేస్తాయనీ, ఒక రోజుకు 24 గంటలనీ సంవత్సరానికి 365 రోజులనీ ఎలా ఆకాలం లోనే చెప్పగలిగారు? ఏ టెక్నాలజీ ఉపయోగించి చెప్పారు? ఆ టెక్నాలజి మనకు అందించలేక పోవడానికి కారణం అప్పటిలో విజ్ణానాన్ని నిక్షిప్తం చేయడానికి సాధనాలు లేకపోవడం. అన్నమయ్య సంకీర్తనలు కూడా రాగి రేకు మీద చెక్కించటం వల్ల మనకు అందాయి. శాశ్వతత్వాన్ని పొందాయి. అంతకు పూర్వం ఆకుల మీద రాసే వారు. దానికి పూర్వం విజ్ణానాన్ని బుర్రలో నిక్షిప్తం చేసేవారు. మరి కంప్యూటర్లు లేవుగా అప్పుడు.

ఆనందం గా వుండడానికి ఏడు ఉత్తమమైన మార్గాలు

2011-06-20T13:32:00.004+05:30

1) అపరాధ భావాన్నివిడనాడండి (Stop being offended) .

2) అన్నిటిలోనూ మీరే గెలవాలనే కోరికను వదిలివేయండి.

3) మీరు అన్నివిధాల పరిపూర్ణంగా వుండాలనే కోరికను వదిలి వేయండి.

4) మీరు అందరికన్నా గొప్పగా వుండాలనే కోరికను వదిలివేయండి.

5) సరిపోయినంత వున్నా, ఇంకా ఇంకా ఎక్కువ కావాలనే కోరికను వదిలివేయండి. (ఉన్న దానితో సంతృప్తి గా వుండడం)

6) మిమ్మల్ని మీరు సాధించిన లేక సాధించలేని విషయాలను బట్టి గుర్తించటం మానండి.

7) సమాజం లో మీకున్న స్థితి లేక గౌరవం లేక కీర్తిని గురించి ఆలోచనలు మానండి.

ఆది శంకరులు, వివేకానంద, రమణ మహర్షి ఎవరు చెప్పినా వారి సారాంశం ఇదే నని నా వుద్దేశం.
ఇవి అన్నిటినీ ఆచరిస్తే ఆత్మానందం కలుగక మానదు.

నా వాషింగ్టన్ డి.సి ట్రిప్ లో జరిగిన సంఘటన

2011-04-26T15:16:00.001+05:30

అమెరికా యం.యస్ చదవటానికి కాలిఫోర్నియా కి వెళ్ళినప్పటి రోజులు. అప్పుడు అన్నయ్య వర్జీనియా లో వుండటం వల్ల నాలుగు రోజులు వర్జినియా చూసి రావాలని ప్లాన్ చేసుకున్నాను. అనుకున్న ప్రకారం మా అన్నయ్య ఇంటికి వెళ్ళాను. కుశల ప్రశ్నలు, కబుర్లూ, జోకులూ అయక, మా డిస్కషన్ సిటీ చూడటం వైపు వెళ్ళింది. మాటల్లో మా వదిన అంది, వాళ్ళు వున్న సిటి నుంచి వాషింగ్టన్ డి.సి. (కాపిటల్ ఆఫ్ యూ.ఎస్.ఏ.) దగ్గర అని. మా అన్నయ్య, వదినా ఇద్దరూ వర్క్ చేస్తున్నారు. నన్ను మా వదిన తను ఆఫిసుకు వెళ్ళే దారిలోనే వాషింగ్టన్ మాన్యుమెంట్, లింకన్ మెమొరియల్ వున్నాయి అని, అక్కడే చాలా మ్యూజియంలు కూడా వున్నాయని, అవి మొత్తం చూడాలంటే సాయంత్రం అవుతుంది అని, నన్ను అక్కడ పొద్దున్నే ఆఫిస్ కి వెళ్ళేటప్పుడు వదిలేసి తను ఆఫిసు నుంచి ఇంటికి వచ్చే దారిలో పిక్ అప్ చేసుకుంటాననీ చెప్పింది. కానీ పిక్ అప్ పాఇంట్ చెప్పలేదు. ఫోన్ చేసి నేను ఎక్కడ వుంటే అక్కడకి వచ్చి పిక్ అప్ చెసుకుందామని తన వుద్దేశం. (అది చాలా పెద్ద ప్రదేశం అవటం వల్ల నేను ఎక్కడ వున్నానో ఫోన్ లేకుండా కనిపెట్టటం చాలా కష్టం.)

సరే అనుకున్న ప్రకారం తర్వాత రోజు పొద్దున్నే నన్ను వాషింగ్టన్ మాన్యుమెంట్ దగ్గరగా వదిలేసి మా వదిన ఆఫిసుకి వెళ్ళిపోయింది. బయట చలి కొరుక్కు పోతోంది. అలాగే చలికి వణుకుతూ మాన్యుమెంట్ వరకూ నడచి వెళ్ళాను. మాన్యుమెంట్ చూడటం ఫ్రీ ఏ అయినా ఒక టికెట్ ఇస్తారు. 8:30 కి అక్కడకు చేరుకున్నాను. 9:00 కి కానీ మాన్యుమెంట్ తెరువరు. చలికి అలాగే వణుక్కుంటూ నుంచున్నాను. తర్వాత
చాలా మంది వచ్చారు. సరే మాన్యుమెంట్ ఎక్కి ( లిఫ్ట్ లో) పైనుంచి సిటీ అంతా చూసి కిందకి తొమ్మిదిన్నరకు వచ్చాను. (లిఫ్ట్ లో మాన్యుమెంట్ పుట్టు పూర్వోత్తరాలన్నీ చెప్పారనుకోండి.) మాన్యుమెంట్ కీ, లింకన్ మెమొరియల్ కీ మధ్యలో మ్యూజియంలు వున్నాయి. మాన్యుమెంట్ కీ మ్యూజియంల కీ మళ్ళీ ఒక మ్యూజియం నుంచి ఇంకో మ్యూజియం కీ చాలా దూరం వుంది.

బయట నడవాలంటే చలికి తట్టుకోలేక పోతున్నాను. వేసుకున్న లాంగ్ జాకెట్ చలిని ఆపలేకపోతోంది. నెమ్మదిగా నడుచుకుంటూ నేచురల్ హిస్టొరీ మ్యూజియం వరకూ వెళ్ళాను. అది పది గంటలకు గానీ తెరువరు. మళ్ళీ బయట చలిలో వెయిటింగ్. అంతలోకి చాలా మంది వచ్చి పెద్ద క్యూ గా ఫాం (Form) అయారు. సరే పది గంటలకి సరిగ్గా మ్యూజియం తెరిచారు. హమ్మయ్య అనుకున్నాను. కాసేపు మ్యూజియం లో తిరిగాక మొబైల్ ఫోను బీప్ శబ్దం వినిపించింది. ఫోను తీసి చూస్తే చార్జింగ్ అయిపోయింది. కాసేపయాక గుర్తుకు వచ్చింది. నాకూ మా వదినె కీ మధ్య వున్న ఒక్క ఫోన్ కనెక్షన్ తెగిపోయింది. మా వదినె కి నేను ఫోను చేద్దామన్నా నంబర్ లన్నీ మొబైల్ లోనే స్టోర్ చేసి వున్నాయి. ఇంక నాకు గుండెల్లోరైళ్ళు పరిగెత్తాయి. నాకు ఆ ప్రదేశం కొత్త. నేను ఎక్కడ వున్నానని వెతుకుతుంది? మొదట కంగారు పడకుండా ఒక చోట కూర్చొని ఆలొచిద్దామని ఒక బెంచ్ మీద కూర్చున్నాను. ప్రస్తుతం నా దగ్గర ఏమి వున్నాయి? ఒక బాగ్, చార్జింగ్ అయిపోయిన మొబైల్ ఫోను. బాగ్ లో ఏమైనా ఇన్ఫర్మేషన్ దొరుకుతుందేమోనని వెతికాను. లక్కీ గా అన్నయ్య వాళ్ళ ఇంటి అడ్రస్ రాసుకున్న స్లిప్ దొరికింది. హమ్మయ్య. దేముడు ఒక దారి చూపించాడు. ఒక కాబ్ మాట్లాడుకుని ఇంటికి వెళ్ళవచ్చు. కాక పోతే అప్పుడు ఇంటికి వెళితే ఇంటిలో ఎవరూ వుండరు. ఇంటి తాళాం వేసి వుంటుంది. బైట నుంచో వాల్సి వస్తుంది. సాయంత్రం దాకా మ్యూజియంల దగ్గరే కాలక్షేపం చేయటం బెటర్. ఇంకా ఇంటికి వెళ్ళాలంటే యాభై డాలర్లు దాకా ఖర్చు అవుతుంది(అని ముందు రోజే కాకతాళీయం గా మాటల్లో మా అన్నయ్య అనటం జరిగింది. కాబ్ కి సరిపో్యేంత డాలర్లు నా దగ్గర వున్నాయి). కాబ్ వాడి ఫోన్ నంబర్లు కూడా కావాలి. (అమెరికా లో అడ్రెస్ తెలిస్తే చాలు కాబ్ డ్రైవర్లు ఇంటి దగ్గర జాగ్రత్తగా దిగపెడతారు. జి.పీ.ఎస్. ద్వారా గూగుల్ మాప్స్ కి కనెక్టై డైరెక్షన్స్ తెలుసుకుంటారు.) ఇంకా ఏమి వున్నాయా బాగ్ లో అని వెతికాను. కొన్ని క్వార్టర్ లు (మన భాష లో పావలాలు), మా ఇంకో కజిన్ ఫోన్ నంబర్ రాసుకున్న పేపర్ దొరికాయి. (మా అన్నయ్య, వదిన వళ్ళ ఫోన్ నంబర్లు రాసుకో వాలని నాకెందుకు అనిపించ లేదో?) గుడ్. ఆ కజిన్ కి ఫోన్ చేస్తే మా అన్నయ్య, వదిన ఫోన్ నంబర్లు దొరుకుతాయి. అక్కడ ఇన్ఫర్మేషన్ డెస్క్ ఎక్కడ వుందో అనుకుంటూ మైన్ ఎంట్రన్స్ వైపు నడిచాను.

ఇన్ఫర్మేషన్ డెస్క్ దగ్గర ఇద్దరు కూర్చొని వున్నారు. నా ప్రాబ్లంని వాళ్ళల్లో ఒకతనికి వివరించాను. అతను రెండో అతనికి వివరించాడు. ఆ రెండో అతను ’We should find an electric outlet for you' అన్నాడు. అంటే అతని వుద్దేశం ఫోన్ చార్జింగ్ చేసుకోవటానికి ఎలక్ట్రిక్ ప్లగ్ సాకెట్ వెతకాలి అని. (అది మ్యూజియం అవటం వల్ల ఎక్కడా సాకెట్ లు కనిపించలేదనుకొండి) ’I dont have the charger with me' కానీ నా దగ్గర చార్జర్ లేదు అన్నాను. వాళ్ళ దగ్గర కాబ్ నంబర్లు వున్నాయెమొ అని అడిగాను. యల్లో పేజెస్ లో చూసి చెప్పాడు ఒకతను. అవి నోట్ చేసుకొని, పబ్లిక్ ఫోన్ ఎక్కడ వుందో కనుక్కున్నాను. ఫోన్ దగ్గరకు వెళ్ళి ఒక క్వార్టర్ వేసి మా కజిన్ ఫోన్ నంబర్ డయల్ చెసాను. ‘ ప్లీజ్ చెక్ ద నంబర్ ’ అని కాయిన్ బయటకు వచ్చేసింది. ఇక నాకు గుండెల్లో రైళ్ళు పరిగెత్తాయి. మా కజిన్ నంబర్ కూడా కలవక పోతే ఎలా అక్కడినుంచి బయట పడేది? ఇంకా ఆలోచించాను. అమెరికా లో కలెక్ట్ కాల్ అనే ఫెసిలిటీ వుంది. ఈ పద్దతి ద్వారా కాల్ చార్జెస్ డయల్ చేసిన వారి మీద కాకుండా రిసీవర్ (ఎత్తిన వారి) మీద పడతాయి. మనం చేయాలనుకున్న వాళ్ళ ఫోన్ నంబర్ డయల్ చెసి వారు ఫోన్ ఎత్తాక మన పేరు చెప్పాలి. వాళ్ళకి మనం తెలిసి, కాల్ తీయటం ఇష్టమైతే ఫోన్ ఎత్తుతారు.

ఇక ఆలస్యం చేయక మా కజిన్ కి కలెక్ట్ కాల్ చేసి నా పేరు చెప్పాను. లక్కీ గా కజిన్ ఫోన్ తీసాడు. నా ప్రాబ్లం వివరించి మా అన్నయ్యకి ఫోన్ చేయమని చెప్పాను. అమెరికాలో పబ్లిక్ ఫోన్ కి కూడా ఒక నంబర్ వుంటుంది. అది ఫోన్ మీద రాసి వుంటుంది. ఆ నంబర్ మా కజిన్ కి చెప్పి మా అన్నయ్యని ఫోన్ బూత్ కి కాల్ చెయమని చెప్పాను. మా కజిన్ నంబర్ నోట్ చేసుకొని ఫోన్ పెట్టేశాడు. వెంటనే నేను మాట్లాడిన పబ్లిక్ ఫోన్ మోగింది. ఫోన్ లిఫ్ట్ చేశాను. అది మా కజిన్ నుంచి వచ్చింది. పబ్లిక్ ఫోన్ పని చేస్తుందో లేదో అని చేశాను అని చెప్పాడు. మళ్ళీ ఫోన్ పెట్టేశాడు. కాసేపటికి మా అన్నయ్య నుంచి ఫోన్ వచ్చింది. ఇక నాకు పెద్ద రిలీఫ్. నేను పడ్డ కష్టం వివరించి, ఐదు గంటలకి ఇన్ ఫర్మేషన్ సెంటర్ దగ్గర వుంటాను అని చెప్పి, మా వదినకు చెప్పమని చెప్పాను. నన్ను కంగారు పడవద్దని, ఐదు గంటలకల్లా వదిన వస్తుందనీ చెప్పి కాసేపు మాట్లాడి పెట్టెసాడు.

హమ్మయ్య నా క్షేమ సమాచారం చెప్పేశాను కాబట్టి ఇక మిగిలిన మ్యూజియం లు చూడటానికి బయలుదేరాను. అప్పటికీ మధ్యాహ్నం 1:30 అయింది. మా వదిన ఇచ్చిన ఉప్మా తిన్నాను. ఎయిర్ అండ్ స్పేస్ మ్యూజియం చూడటం నాకు ఇష్టం కనుక ఆ మ్యూజియం కి వెళ్ళి సాయంత్రం 5:00 గం. వరకు స్పెండ్ చేసాను. ఇక మిగిలిన మ్యూజియం లు చూడటం కుదరలేదు. ఒక మ్యూజియం చూడటానికే సుమారు 4:00 గం. పట్టింది. మొత్తనికి పొద్దున నుంచీ రెండు మ్యూజియం లు కవర్ చెయగలిగాను. లింకన్ మెమొరియల్ చూడలేక పోయాను. 5:00 గం. లకు ఇన్ ఫర్మేషన్ సెంటర్ దగ్గరకు వెళ్ళే సరికి మా వదిన అక్కడకు వచ్చి వుంది. ఇక ఆనందం తో నా కస్టాన్ని అంతా మర్చిపోయి, కారు ఎక్కాను. మళ్ళీ అమెరికా లో బయటకు వెళ్ళే టప్పుడు ఫోన్ నంబర్స్ దగ్గర వుంచుకోవాలని నిర్నయం తీసుకున్నాను.

నిజమైన జీవితం

2011-02-05T22:04:00.006+05:30

I got this from internet. I liked it...

WHAT IS REAL LIFE?

To live in the Eternal Atman,
To taste the bliss of the Soul.
To worship the Lord at all times,
Is real Life.

I got this from internet. I liked it so publishing it...

To do Japa of Lord’s Name,
To sing His glory constantly,
To remember Him at all times,
Is real Life.

To practise Yama, Niyama,
To serve the poor and the sick,
To hear the Srutis,
Is real Life.

To reflect and meditate,
To serve the Guru,
To follow his instructions,
Is real Life.

To realise one’s own Self,
To behold the one Self everywhere,
To attain Brahma-Jnana,
Is real Life.

To live to serve humanity,
To practise self-restraint,
To control the mind and the senses,
Is real Life.

To practise Pranayama,
To do Brahma-Vichara,
To stick to resolves,
Is real Life.

To live in Om,
To chant Om,
To meditate on Om,
Is real Life.

To ignore the names and forms,
To take the essence hidden in them,
To drink the nectar of Immortality,
Is real Life.

WHAT IS REAL DEATH?

Not to study the Gita, Upanishads, daily,
Not to remember God at all times,
Not to serve Sadhus and Gurus,
Is real death.

Not to have equal vision,
Not to have balanced mind,
Not to have Atma-Drishti,
Is real death.

Not to have Brahma-Jnana,
Not to have a large heart,
Not to do charitable acts,
Is real death.

To identify oneself with the body,
To forget one’s divine nature,
To live aimlessly,
Is real death.

To eat, drink and be merry,
To waste the time uselessly,
To lose one’s honour and name,
Is real death.

To gamble and play cards,
To read novels, drink and smoke,
To gossip, cavil and scandalise,
Is real death.

To backbite, revile, carry tales,
To speak ill of others,
To cheat, falsify and dupe,
Is real death.

To earn money unlawfully,
To outrage others’ women,
To injure others,
Is real death.

To lead a sensual life,
To waste vital energy,
To have a lustful look,
Is real death.

కంపుటర్ లో లక్శ్మీ దేవి పూజ చెయండి

2010-11-04T15:12:00.001+05:30

ఈ కింద ఇచ్చిన లింక్ ని క్లిక్ చేసి దేవి పూజ చేయండి.

http://www.123greetings.com/events/diwali/aarti/diwali18.html?fb_ref=fb_lk_cd_1&fb_source=home_multiline

దీపావళి టపాకాయలు (కంప్యూటర్ లో పేల్చండి)

2010-11-04T13:06:00.006+05:30

ఈ కింద ఇచ్చిన లింక్ క్లిక్ చేస్తే ఈ-క్రాకర్స్ జిప్ ఫైల్ దౌన్ లోడ్ చేసుకోవచ్చు. కాకపోతే ముందుగా ఈ వెబ్ సైట్ లో రిజిస్టర్ చేయమని అడుగుతుంది. రిజిస్టర్ అయాక ఈ జిప్ ఫైల్ డౌన్లోడ్ చేసుకుని టపాకాయలు పెల్చండి.

http://www.citehr.com/attachments/17139d1194279773-virtual-diwali-e-crackers-e-cracker_172.zip

అరటి కాయ ఉప్మా కూర కొంచం డిఫరెంట్ గా

2010-10-29T19:03:00.001+05:30

ఈ కూర తయారీ మీలో కొంతమందికి తెలిసే వుంటుంది.

కావాల్సిన పదార్థాలు:

అరటి కాయలు _ 3
పచ్చిమిరప కాయలు _ 2 - 4 (మీకు తగినంత కారాన్ని బట్టి)
అల్లం _ ఒక చిన్న ముక్క
ఉప్పు _ తగినంత
పసుపు _ చిటికెడు
నిమ్మకాయ _ 1
శనగపప్పు _ తాలింపుకు సరిపడినంత
మినపప్పు _ తాలింపుకు సరిపడినంత
ఆవాలు _ తాలింపుకు సరిపడినంత
జీలకర్ర _ తాలింపుకు సరిపడినంత
కరివేపాకు _ రెండు రెబ్బలు

ముందుగా ఒక గిన్నెలో నీళ్ళు తీసుకొని నీళ్ళల్లో కొంచం ఉప్పు, మజ్జిగ వేయాలి. అరటి కాయలు ముక్కలుగా (మరీ చిన్నవి కాకుండా) నీళ్ళల్లోకి తరిగి పెట్టు కోవాలి. బాండీ లో నూనె పోసి శనగ పప్పు, మిన పప్పు, ఆవాలు, జీలకర్ర, కరివేపాకు వేసి పోపు పెట్టాలి. తరుగుకున్న అరటి కాయలు వేసి, నీళ్ళు కొంచం కూరలో చిలకరించి, ఉప్పు, పసుపు వేసి మూత పెట్టాలి. కూర అడుగు అంట కుండా మూత మీద నీరు పోసి పెట్టాలి. కొంత సేపు తర్వాత అల్లం, పచ్చిమిరప కాయలు పేస్ట్ చేసి కూరలో వేయాలి. కూర మగ్గి, ముక్క మెత్త బడ్డాక నిమ్మకాయ పిండి కూర దించాలి. ఇలాగే బంగాళ దుంప కూర వుల్లిపాయలు వేసి/ వేయకుండా చేయవచ్చు.

ఆనాటి మన భారతీయుల (పూర్వీకుల) టెక్నాలజీ ఇపుడే్దీ?

2010-07-18T17:05:00.001+05:30

భారతదేశం ఎన్నో కళలకు జన్మ నిచ్చింది. ఆనాటి భారతీయులు ఎన్నొ రకాలుగా తమ ప్రతిభను చాటారు. సైంటిఫిక్ పరంగా కూడా. నాకు తెలిసిన రెండు మూడు ఉదాహరణలు ఇక్కడ ప్రస్తావిస్తున్నాను. తెలియనివి ఎన్నో!

గోల్కొండ సింహద్వారములలో ఒకటైన ఫతే దర్వాజా (విజయ ద్వారము) నిర్మించటానికి ధ్వనిశాస్త్రమును మన వాళ్ళు ఔపోసన పట్టినట్లున్నారు. కింద ఒక నిర్ణీత ప్రదేశమునందు చప్పట్లు కొడితే కిలోమీటరు ఆవల గోల్కొండలో అతి ఎత్తయిన ప్రదేశములో ఉన్న "బాలా హిస్సారు" వద్ద చాలా స్పస్టముగా వినిపిస్తుంది. ఈ విశేషమును ఒకప్పుడు ప్రమాదసంకేతములు తెలుపుటకు ఉపయోగించేవారు. ఇప్పుడు మాత్రం సందర్శకులకు వినోదం పంచేదిగా మిగిలిపోయింది.

హంపి విజయనగరం లోని విఠల గుడిలో సరిగమలు పాడే స్తంభాలను ఏ టెక్నాలజి వుపయోగించి తయారు చేసారు? మరి ఈ సైన్స్ ని ఎమంటారు?

తమిలనాడు లోని ఒక శివుని ఆలయం లో శివుని రంగు ఐదు రకాలుగా మారుతుందట. ఇది ఏ పరిగ్నానం తో తయారు చేయబడింది?

పూర్వకాలం లో ఒక ఆలయాన్ని నిర్మించారంటే అందులో ఏదో ఒక విశేషం వుండేది. ఇలా మన దేశం లో ఎన్ని ఆలయాలు వున్నాయో! వాటిల్లో ఎన్నెన్ని విశేషాలు వున్నాయో!!!! ఇతర దేశాలకు వెళ్ళి వచ్చి మేము అది చూశాం ఇది చూశాం అని చెప్పటం కన్నా మన దేశం గొప్పతనాన్ని ఇతర దేశాలకు చాటి చెప్పటం మంచిది. టూరిజాన్ని అభి వ్రుద్ది చెసిన వాళ్ళం అవుతాము (టూరిజం వాళ్ళకీ నాకూ ఎలాంటి సంబంధం లేదని నా మనవి). అంటే నా వుద్దేశం మన దేశం లో ఇన్ని ఆలయాలు వున్నాయి అని చెప్పటం కన్నా ఈ ఆలయాలలో సైన్స్ పరంగా ఈ టెక్నాలజి వాడి నిర్మించారు అని వికి పీడియా లో ఇతర వెబ్ సైట్లలో ప్రచురిస్తే చాలా బాగుంటుంది.

దీన్ని బట్టి అర్థ మైన ఒక విశేషం ఎమిటంటే అప్పటి కాలం లొనే మన వాళ్ళు శాస్త్ర విజ్నానం లో ఎంతో పరిణతి చెందారు అని చెప్పటమే నా ఈ ప్రయత్నం. ఆ విజ్నానాన్ని నిక్షిప్తం చేసి మనకి (తర్వాత తరాలకి) అందించి వుంటే బాగుండేది.

ఈ బందులకు బందు లేదా?

2010-01-06T19:59:00.003+05:30

ప్రతిరొజూ బంధ్ పాటిస్తూ వుంటే జన జివన స్రవంతి కదిలేదెలాగ? అందరూ ఇంటిలో కుర్చొని ఆట, పాట, విందు, వినోదాలతో కాలం గడిపేస్తున్నారు. ఇంకా కొన్నాళ్ళు పొతే సోమరి పోతులవుతారు. ఒక రొజు బంద్ వల్ల ఆ రోజు సమయం వృధాగా అయిపోతుంది. సమయాన్ని సద్వినియోగం చెసుకునే అవకాశాలు చాలా తక్కువ.

ఈ బంద్ ల వల్ల ఎవరికి మంచి జరుగుతొంది? దుకాణాళ్ళు బంధ్ అవటం వల్ల దుకాణ దారులు నష్టపోతున్నారు. హాస్పిటల్లు, హొటల్లు, బ్యాంక్ లు, ఏటీయం లు అన్నీ మూసివేయటం వల్ల జనం చాలా ఇబ్బందులు పడుతున్నారు. విద్యార్దులు కాలెజిలు, స్కూల్ లు లెక సమయాన్ని వృధాగా ఆట పాటలతో గడిపేస్తున్నరు. చదువులో పోర్షన్లు సరిగా పూర్తి కాక నష్ట పోవలసి వుంటుంది. సామాన్య ప్రజలు నిత్యావసరాలు అందక ఇబ్బంది పడుతున్నారు. ఇంతకీ ఈ బంధ్ వల్ల మనమే నష్టపోతున్నాము.

గొడవలు జరుగుతాఏమొ నని బంద్ పాటి్స్తే జనం జీవం లేని వారు గా తయారవుతున్నారు. ఏ పని లేకుండా కాలం వెళ్ళబుచ్చుతున్నారు. దీనికన్నా గొడవలు జరిగినా పోలీసులు కంట్రోల్ చెయటం మంచిది. అయినా ఎవరో నలుగురు బంద్ చేయమని అడిగితే భయపడి చేసేయటమేనా? ఎవరు ఎమి చేస్తారేమో అని భయపడటం మనలో ఇంకా పోలేదు. బంద్ ఎందుకు చెయాలి అని ఎవరూ నిలదియటం లేదు. బంద్ చేయటం వల్ల నా ఈ రొజు వృధా అయిపోతుంది అని ఎవరూ గుర్తించటం లేదు. టెక్నాలజి ఇంతగా అభివృద్ది చెందినా మన ఆలోచనలలో మార్పు లేదు. ఎవరో ఈ రోజు బంద్ అంట అని మనకి చెప్తే ఒహొ అని వినటం తప్ప మనం ఎమీ చేయలెక పోతున్నాము.

నిరాహార దీక్ష చాలా పవిత్రమైనది. దాన్ని అడ్డు పెట్టుకుని స్వప్రయోజనాలకి వాడుకుంటున్నారు. ఆనాడు పొట్టి శ్రీరాములు నిరాహార దీక్ష చేశారంటే దానిలో ఎంతో త్యాగం వుంది. ఆనాడు ఆంధ్ర రాష్ట్ర అవతరణ ఎంతో అవసరం. అది జరగకపోయి వుంటే మనల్ని మదరాసీ లు అని పిలిచే వాళ్ళు. తెలుగు భాష కు న్యాయం జరిగేది కాదు. ఆ స్వాతంత్రాన్ని మనం ఆస్వాదించక మన స్వంత ఆంద్ర దేశాన్ని ముక్కలు ముక్కలు చేసి ఏమి బాగు పడతాము? పొట్టి శ్రీరాములు గారు పడిన శ్రమ అంతా వృధాయే. విడిపోవటం వల్ల నష్టాలే ఎక్కువ వుంటాయి. ఆంధ్ర రాష్రాన్ని కలిసి వుండి అభివృద్ది చెసుకొవచ్చు. అభివృద్ధి కి కావలసింది సరియైన ప్లాన్, నిర్మాణాత్మక మైన వ్యుహం. అంతే కాని విడిపోవటం కాదు.

మీ చిన్నారుల భవిష్యత్తు జాగర్త!! తస్మాత్ జాగర్త!!!

2009-10-28T10:30:00.002+05:30

హలో ఎవిరిబడి ఆఫ్టర్ అ లాంగ్ టైం

మొన్న మాకు తెలిసిన వాళ్ల ఇంటికి వెళ్ళాను. వాళ్ల పాప సెకండ్ క్లాసు కి వచ్చింది. స్కూల్లో బాగా చెపుతున్నారా అని అడిగాను. స్కూల్ బుక్స్ చూపించింది. అన్ని అ న్ని మార్కులు 85 శాతం వచ్చాయి. అరె భలే మార్కులు వచ్చాయే అని అన్నాను. కాని ఏమైనా అడిగితే సరిగా సమాధానం చెప్పలేక పోతోంది. వాళ్ల అమ్మని అడిగితే అసలు విషయం చెప్పింది. పాపే చెప్పిందట తన హోం వర్క్, స్కూల్ వర్క్ అంతా టీచర్ లే చేస్తున్నారట. పైగా ప్రతీ సబ్జెక్టు లో 85నుంచి 90 శాతం మార్కులు ఇస్తున్నారట. ఆ మాట విని నేను షాక్ అయాను. ఈ విషయం విన్నాక బ్లాగు రాయకుండా వుండలేక పోయాను.

స్కూల్ యాజమాన్యం వాళ్ల స్కూల్ పేరు ప్రతిష్టల కోసం పిల్లల భవిష్యత్తుతో ఆడుకోవం నేరం. ప్రతి పాఠశాల మాకు 90 శాతం సక్సెస్ రేట్ వుంది అని చెప్పుకోటానికి పిల్లల ను భవిష్యత్తు లేని వారు గా చేయటం వల్ల మన ఆంధ్ర దేశమే భవిష్యత్తు లేని దేశం మారుతుంది. ఇది చాలా ప్రమాదకరం. యజమాన్యం ఒక విద్యార్ధి బ్రతుకు కాదు, ఎంతో మంది విద్యార్ధుల బ్రతుకులను నాశనం చేస్తున్నారు. ఇది ఇలా కొనసాగితే ఇది ఈ సమాజానికి సంభందించిన సమస్య గా మారుతుంది. ఈ సమస్య తీవ్రత ఎంత వరకు వుంది బేరీజు వేయటం కష్టమే.

నాకు ఇంకా కొంత మంది ఇదే విషయం పై కంప్లైంట్ చేయటం వల్ల రాయాలని అనిపించింది. స్కూల్ ఫీజులు కుడా తక్కువేమీ తీసుకోవటం లేదు . వేలు డబ్బులు పోసి తల్లిదండ్రులు పిల్లలను చదివిస్తున్నారు. స్కూల్ లో సరిగా బోధించటం లేదని ట్యుషన్స్ కుడా చెప్పిస్తున్నారు. తల్లిదండ్రులు విద్యావంతులైతే పిల్లలకు కొంత వరకు చెప్పగలుగుతారు. సమస్య కొంతవరకు తొలగి పోతుంది. అలాగే తల్లిదండ్రులు పిల్లలకు చెప్పగలిగితే ట్యూషన్ కి పంపాల్సిన అవసరం ఏముంది? వేలకు వేలు ఖర్చు చేయ వలసినది ఏముంది? తల్లిదండ్రులు విద్యావంతులు కాకపోతే సమస్య తీవ్రత ఎక్కువ అవుతుంది.

అలాగే ఇదివరకులాగా కాకుండా విద్యాలయాల ధనాశ చాలా పెరిగిపోయింది. పుస్తకాలు, స్కూల్ యునిఫారం లు వాళ్ల దగ్గరే కొనాలి. విద్యాలయాలలో చదువు సంస్కారం నేర్పుతున్నారా అని మనకి మనం ప్రశ్నించు కోవలసిన అవసరం వుంది. ఈ విషయమై కొన్ని ఇతర దేశాల పద్దతులు మనం (అంటే విద్యలయాలు) ఆచరించటం బాగుంటుంది. వాళ్లు పిల్లలకి చదువుతో పాటు అబద్దం చెప్పకూదదుఅని చిన్నప్పటి నుంచి నేర్పిస్తారు. అలాగే పర్సనాలిటీ డెవలప్మెంట్ (వ్యక్తిక్త్వ వికాసం), హ్యుమానిట్టి (మానవత్వం) చిన్నప్పటినుంచి స్కూల్ లో నేర్పిస్తారు.

అలాగే ఫారిన్ కంట్రీస్ లో ఎన్నో విషయాలలో ముందంజలో వున్నారు. ఎన్నో కొత్త కొత్త విషయాలు కనుక్కున్ట్టున్నారు. మరి ఇండియా లో ఏమి కనుక్కున్తున్నారు? ఎంతసేపు పిల్లలకి ఏమి ఇష్టమో తెలుసుకో కుండా పెద్దవాళ్ళకి ఏమి ఇష్టమో అది పిల్లల తలలపై రుద్దుతున్నారు. వాళ్ల ఇష్టాన్ని పిల్లలు చెప్పలేక, ఏదో తెలియని ఫీల్డ్ లో రాణించలేక ఎంతో మానసిక క్షోభని అనుభవిస్తున్నారు. ఒకవేళ పిల్లలు బాగా చదవ గలుగుతే, లేక తెలివి గలవారైతే ఇతర దేశాలకు తరలిపోతే బాగా రాణించ గలరని చాలా మందికి నమ్మకం వుంది. ఇతర దేశాలకి వెళితే కొంత వరకు మనకి ఉన్న ఉద్యోగ సమస్య తీరుతుంది. కాని ఇతర దేశాలకి వెళ్ళలేక పోయారని కొంత మంది తల్లిదండ్రులు పిల్లలని కించపరచటం ఎంత వరకు సమంజసం?

సరే సమస్య వేరే వైపు మరలకుండా అసలు విషయానికి వద్దాం. మీ పిల్లల భవిష్యత్తు జాగర్త.

'బారిస్టర్ పార్వతీశం' ప్రతి తెలుగు వారూ చదువ దగిన పుస్తకం

2008-07-06T15:40:00.000+05:30

మొక్కపాటి నరసింహ శాస్త్రి గారు రచించిన ఈ పుస్తకం లో పార్వతీశం కధా నాయకుడు. అమాయకత్వం తో కూడిన గడుసుదనంతో నిండిన పార్వతీశం పాత్రను నరసింహ శాస్త్రి గారు ఆద్యంతం హాస్య రసంతో చిత్రీకరించారు. పల్లెటూరు లో పుట్టిన పార్వతీశం ను లండన్ దాకా తీసుకు వెళితే ఎలా వుంటుంది అనే ఆలోచన వచ్చిన వెంటనే, శాస్త్రి గారు తన స్నేహితులతో చర్చించారు. వారు చాలా బాగుంటుంది అని ప్రోత్సహించి దానికి 'బారిస్టర్ పార్వతీశం' అని నామకరణం కూడా చేశారు.

పార్వతీశం తన పుట్టు పుర్వోత్తరాలు తనే చెప్పుకోవటం తో కధ మొదలు అవుతుంది. తన స్కూల్ లో చురుకుగా ఆటలలొ పాల్గొనటం, చదువులో కూడా ముందంజ వేయటం తో అధ్యాపకుల ఆదరణ పొందటమూ జరుగుతుంది. తర్వాత ఆట పాటలు ఎక్కువై చదువు మందగించటమూ, ఇంటిలో ప్రైవేటు చెప్పటమూ (మందలించటమూ) కూడా జరుగుతుంది. అందుచేత కొంతమంది స్నేహితుల ద్వారా లండన్ వెళితే బారిస్టర్ (lawer) చదువవచ్చు అని తెలుసుకొని ఎవరికీ చెప్పకుండా లండన్ ప్రయాణం కట్టటమూ, దారిలో అతను పడిన కష్టాలు, లండన్ లో పడిన కష్టాలు ఆద్యంతమూ హాస్య భరితం. అవి నేను చెప్పేవి కాదు, మీరు చదివి తెలుసుకోవాల్సిందే.

లండన్ నుంచి తిరిగి వచ్చాక అతనిలో వచ్చిన పరిణామం, తర్వాత పరిణయం, స్వాతంత్ర పొరాటం కు తను చెసిన కృషి, అతని ఉన్నతంగా పరివర్తన చెందిన వ్యక్తిత్వాన్ని సూచిస్తాయి.

మొత్తానికి పార్వతీశం మంచి పేరు సంపాదించుకున్నాడు. ఎంత పేరు అంటే పార్వతీశం ను సృష్టించిన నరసింహ శాస్త్రి గారిని తన సొంత పేరు తో కాక, అందరూ పార్వతీశం సృస్టికర్త అని పిలిచెంత వరకు. ఇంతకీ నేను చెప్పదలుచుకున్న విషయము ఏమిటంటే, 'బారిస్టర్ పార్వతీశం' మనసారా చదివి ఆనందించదగిన పుస్తకం.

2020 శతాబ్దం లో ప్రాణికోటి ని సంహరించే గ్రహ శకలం(asteroid) భూమిపై పడే అవకాశం వుంది

2008-06-30T19:26:00.001+05:30

65 మిలియను సంవత్సరాల క్రితం...
ఒక పెద్ద గ్రహ శకలం అంతరిక్షం నుండి భూమి పై పడింది...
భూమి మీద పెద్ద ఎత్తున మట్టి లేచింది...
అప్పుడు నివసిస్తున్న డైనోసార్లు అన్నీ చనిపోయాయి...

ఎమిటి ఈ మిస్టరీ స్టోరీ అనుకుంటున్నరా? నిజమేనండి, డైనోసార్లు అంతరించి పొవటానికి కారణం గ్రహ శకలం!!

అలాగే, 200 మిలియను సంవత్సరాల క్రితం ఇంకొక గ్రహ శకలం భూమి పై పడిన తర్వాత డైనొసార్లు పుట్టటం జరిగింది.

రెండు వేల ఇరవయవ (2020) శతబ్దం లో కూడా గ్రహ శకలం ఇలాగే భూమిని తాకే అవకాశం వుంది. ఇది భూమిని తాకితే ప్రాణికోటి హరించుకుపొయే ప్రమాదం వుంది. ఇప్పటికే శాస్త్రజ్ఞులు అంతరిక్షం లో తిరుగుతున్న ఒక లక్ష (100,000) గ్రహ శకలాలను గుర్తించారు. వీటిల్లొ కొన్ని చిన్నవి, కొన్ని కొన్ని ఒక రాష్ట్రమంత సైజులో వున్నాయి. అందులో ఏదైనా భుమిని ఏ సమయం లో నైనా తాకవచ్చు.

శాస్త్రజ్ఞులు ఇప్పటికే 'అపొఫిస్ ' అనే శకలం పై కన్ను వేశారు. ఇది ఏప్రెల్ 13, 2029 సంవత్సరం లో భూమికి చాలా దగ్గరగా వెళ్తుంది. అది మన కమ్యూనికేషన్ శాటిలైట్ల కింద నుంచి వెల్తుందని అంచనా. ఈ శకలం తన తిరుగు ప్రయాణంలో, తనకి వున్న కక్ష్య ఆధారంగా భూమిని తాకే ప్రమాదం 2036 సంవత్సరం లో వుంది.

గ్రహ శకలం పడితే, పడిన చోటనే కాక భూమి మొత్తం మీద దుమ్ము లేచి అన్ని ప్రాణులూ చనిపోతాయి. అసలు గ్రహ శకలం భుమి వాతావరణం లోకి ప్రవేశించగానే ఒక షాక్ వేవ్ తయారు అయి కొన్ని వందల కిలో మీటర్లు నష్టం సంభవించే అవకాశం వుంది.

అమెరికన్లు అప్పుడే దీనిమీద ఒక సినిమా తీసేశారు. దాని పేరు Armageddon. దీనిలో వున్న theme ఎమిటంటే శకలం భూమి మీదకి రాక ముందే చాలా దురం లో శకలాన్ని పేల్చెయటం. పేల్చెసిన శకలం ముక్కలు భూమిని తాకనంత దూరంలో పేల్చటం.

ఈ గ్రహ శకలం గురించి మా అన్నయ్య తో అన్నప్పుదు తను ఇలా అన్నాడు: అది పడినప్పుడు నేను ఆకాశం లో ఎగురుతూ ఒక ఫ్లైట్ (Flight)లో వుంటాను అని.

భలే ఐడియా కదండి. ఇంకా ఇలాంటి ఐడియాలు ఎన్నొ అలొచించుకొవాలి.

ఇంతకీ మనం భూమి మీద సురక్షితం గానే వున్నమా??

నీల్ అర్మ్ స్ట్రాంగ్ నిజంగా చంద్రుని పై కాలు మోపాడా?

2008-06-06T20:45:00.001+05:30

నీల్ అర్మ్ స్ట్రాంగ్ చంద్రుని పై మొట్టమొదట పాదం మోపాడని మనం నమ్ముతున్నాం. కాని ఇది నిజం కాదని రుజువులు వున్నయి. ఇది నిజమా కాదా అనేది ఇప్పటికీ మర్మం గానే మిగిలిపోయింది. ఆ వివరాలేమిటొ మీరే చూడండి...

'అపొలో 11' మొట్టమొదట మనిషిని చంద్రుని వరకు తీసుకుని వెళ్ళిన(?) వ్యోమ నౌక. దీని ప్రయోగం జూలై 16, 1969 న జరిగింది. దీనిలో నీల్ అర్మ్ స్ట్రాంగ్, మైఖేల్ కోలిన్స్ మరియు ఎడ్విన్ ఆల్డ్రిన్ ప్రయాణం చేశారు. జూలై 20 న అర్మ్ స్ట్రాంగ్ మరియు ఆల్డ్రిన్ చంద్రునిపై మొట్టమొదట కాలు మోపగా, కోలిన్స్ కక్ష్యలో విహారం చేశాడు.

1960 శతాబ్దం చివరి లోపు మనిషిని చంద్రునిపై దించటం, జాగ్రత్తగా భూమి మీదకు తీసుకురావటం అనేవి ఆనాటి రాష్ట్రపతి జాన్ ఎఫ్ కెనెడీ యొక్క లక్ష్యం.

చంద్రునిపై తీసిన(?) ఫొటోలు:

చిత్రం 1

ఆల్డ్రిన్ పోజు ఇస్తుండగా ఆర్మ్ స్ట్రాంగ్ తీసిన ఫోటో

చిత్రం 2

ఎడమ నుంచి కుడి వైపుకు: అర్మ్ స్ట్రాంగ్, కోలిన్స్ మరియు ఆల్డ్రిన్

చిత్రం 3

వ్యోమ నౌక వద్ద నీల్ పని చెస్తుండగా ...

ఇక చదవండి, ఇంతవరకు మానవుడు చంద్రునిపై కాలు మోపలేదని వివాదాన్ని సృష్టించిన ఫోటో రుజువులు:

సాక్ష్యం 1

ఎంతో ప్రక్యాతి గాంచిన ఫోటో: నీల్ అమెరికా జెండా ను చంద్రునిపై పాతిన ద్రుశ్యం.
కానీ ఈ ద్రుశ్యం లో వున్న పొరపాటు ఎమిటి?
చంద్రునిపైకి వ్యోమ గాములు ఎలాంటి వెలుగునిచ్చే సామాను (lighting equipment) ను తీసుకు వెళ్ళలేదని నాసా తెల్పింది. అంటే చంద్రునిపై వెలుగునిచ్చే ఒకే ఒక్క మూలము సూర్యుడు మాత్రమే. కానీ ద్రుశ్యం లొ చూపిన వివిధ ఎరుపు బాణాలు, ఎన్నో దిశలలో నీడలను చూపిస్తున్నాయి. చంద్రుని సామీప్యంలో ఎంతమంది సూర్యులు వున్నారు?

సాక్ష్యం 2

ఆల్డ్రిన్ యొక్క పాద ముద్ర:
ఇందులో కూడా వివిధ బాణాలు, ఎన్నో దిశలలో నీడలను చూపిస్తున్నాయి. అంటే అక్కడ వెలుగునిచ్చే మూలాలు చాలా వున్నాయి, ఒక studio లొ వున్నట్టు.
అంతే కాక చంద్రుని యొక్క ఆకర్షణ శక్తి, భూమి ఆకర్షణ శక్తి కి 1/6 వ వంతు వుంటుంది. ఒక 250 కిలో గ్రాముల బరువు వున్న వస్తాదు కూడా ఇంత లోతు లో పాద ముద్ర చంద్రునిపై వేయలేడు.

సాక్ష్యం 3

ఇందులో గమనించ వలసిన విషయం ఎమిటంటే చంద్రునిపై వాతావరణం వుండదు. ఆందుచేత గాలులు వుండవు. కానీ అమెరికా జెండా మాత్రం తరంగాలను సృస్టిస్తోంది.
అలాగే, వాతావరణం లేనప్పుడు భుమి మీద కన్నా చంద్రునిపై నుంచి అంతరిక్షం లో వున్న నక్షత్రాలను సులువుగా చూడటం కుదురుతుంది. కానీ నాసా విడుదల చేసిన ఏ చిత్రంలోనూ నక్షత్రాలు కనపడక పోవటం విచిత్రం.

సాక్ష్యం 4

చిత్రంగా తరంగాలు సృష్టిస్తున్న అమెరికా జెండా వెనుక వున్న అంతరిక్ష నౌక చంద్రునిపై దిగేటప్పుడు 25000 పౌండ్ల శక్తి తో చంద్రుని నెడుతుంది. ఇంత శక్తి మరియు వేడి తో చంద్రుని తన్నినపుదు అక్కడ ఒక గుండం (crater) సృష్టించబడాలి. వారు చంద్రుని వదలి వెళ్ళేటప్పుడు కూడా ఇంతే శక్తి సృష్టించబడాలి. కానీ అంతరిక్ష నౌక కింద ఎలాంటి గుండమూ (crater) లేకపోవటము విచిత్రంగా అనిపిస్తుంది. కానీ పైన వున్న ఫోటో లో సుమారు 85 కిలో గ్రాముల మనిషి మాత్రం తన పాద ముద్రను ఎంతో లోతుకు వేయగలిగాడు!!

సాక్ష్యం 5

ఈ చిత్రం లో చాలా పొరపాట్లు జరిగాయి:
1) నక్షత్రాలు ఆకాశంలో కనపడట్లేదు
2) మీరు అర్మ్ స్ట్రాంగ్ visor (ముఖానికి వెసుకునే కవచం) ను చూసినట్లైతే, అందులో ఫోటోను తీసిన వ్యక్తి కనపడతాడు. (క్రింది ఫోటో చూడండి)

అతని నీడను చూడండి. ఇది చుస్తే సూర్యుడు అర్మ్ స్ట్రాంగ్ కు సరిగ్గా వెనుక వున్నట్టుగా తెలుస్తుంది. కానీ అర్మ్ స్ట్రాంగ్ శరీరం పై కాంతి అతని కుడి వైపు నుంచి వస్తున్నట్టుగా కూడా కనిపిస్తుంది. అతని ఎడమ భుజం కన్నా, కుడి భుజం ఎంత కాంతి వంతంగా వుందో గమనించండి.

3) 'C' అని గుర్తించబడ్డ వస్తువు, కెమెరా. ఇది అందరు వ్యొమగాముల ఛాతీ పై అమర్చబడి వుంది. ఈ ఫోటో ను నిజంగా visor లో వున్న వ్యక్తిఏ తీసి వుంతె, ఆ వ్యక్తి 7 1/2 అడుగుల పొడుగు వుండాలి. అపోలో పరివారం లో ఎవరూ ఇంత పొడుగు లేరు.
ఇంకా పరిశీలిస్తే, ఈ ఫోటో కింది కోణం లో తీయబడింది. కొంచం ఎత్తులో నుంచుని తీసినట్టుగా. కానీ visor లో కనిపించే చిత్రం ప్రకారం ఈ ఫోటో ఎత్తులో నుంచుని తీసినట్టుగా లేదు, నేల మీద నుంచున్నట్టుగానె వుంది.

సాక్ష్యం 6

ఈ చక్కటి చిత్రం చూడండి. వ్యోమగామి వ్యోమనౌక నుంచి బయటికి వస్తున్న ద్రుశ్యం. భూమి మీద కుడా ఏదైనా వస్తువు నీడ లో వున్నప్పుడు బాగా కనపడదు. కానీ చంద్రుని మీద వాతావరణం లేనప్పుడు ఏదైనా వస్తువు నీడ లో వుంటె అది నల్ల గా కనపడాలి. ఈ ద్రుశ్యం లో వ్యోమగామి వ్యోమ నౌక నీడలో వున్నా కానీ అతను బాగా కనిపిస్తున్నాడు.
ఇంకా నక్షత్రాలు ఆకాశంలో లేవు, వ్యొమ నౌక దిగినప్పుడు కనిపించాల్సిన గుండం (crater) ఏ కోశానా కనపడట్లేదు.

సాక్ష్యం 7

studio లో వున్న వెలుతురు నాసా మోసాన్ని బాగా బట్టబయలు చేసింది. అర్మ్ స్ట్రాంగ్ మరియు అల్డ్రిన్ ఇద్దరూ ఒకె పొడుగు వుంటారు. మరి అల్డ్రిన్ యొక్క నీడ అర్మ్ స్ట్రొంగ్ నీడ కన్నా రెండు ఇంతలు పొడుగు వున్నది ఎందుకు?

అమెరికన్లు చంద్రుని మీద జెండా పాతతం నిజమే అనుకున్నా, అది ఇంకా అక్కడే వున్నది అనుకోవటం అంత పిచ్చి తనం ఇంకోటి వుండదు. జెండా ను వ్యొమ నౌక కు 10 అడుగుల దూరం లో పాతారు. వ్యొమ నౌక చంద్రుని మీద నుంచి బయలుదేరిన వెంటనే జెండా కాలిపోయి వుందాలి. కానీ వ్యోమగాములు వ్యొమనౌక బయలుదెరిన వెంటనే వారు జెండా ను చూశాము అని చెబుతున్నారు.

ఇప్పుడు అర్థమైందా మీకు అసలు విషయం ఎమిటొ??

గ్లోబల్ వార్మింగ్ (భూ తాపం)

2008-06-01T17:59:00.000+05:30

మనము గ్లోబల్ వార్మింగ్ (భూ తాపం) గురించి ఎందుకు పట్టించుకోవాలి? ఈ బత్తీబంద్ గోల ఏమిటి? గ్లోబల్ వార్మింగ్ అంటే ప్రపంచంలో సహజంగా వుందాల్సిన వేడి లేక ఉస్ణోగ్రత పరిధులను దాటి పెరగటం. సగటున భూమి వుపరితలము మీద వున్న గాలి ఉస్ణోగ్రత, గత వంద సంవత్సరాలుగా పెరుగుతూ, 2005 నాటికి 0.74 ± 0.18 °C (1.33 ± 0.32 °F) పెరిగింది.

ఈ గ్లోబల్ వార్మింగ్ (భూ తాపం) వల్ల ఎన్నొ అనర్ధాలు జరుగుతున్నాయి.

1) మంచు కొండలు కరుగుతాయి. మంచు కరుగటం వల్ల సముద్ర జలాలలో నీటి మట్టం పెరుగుతుంది. బంగ్లాదేష్, పశ్చిమ బెంగాల్ లోని కొన్ని దీవులు నీటమునిగి, అక్కడి భూములలో వ్యవసాయం చేస్తున్న రైతులు వీధిన పడ్డారు.ఇలా నీటి మట్టం పెరుగుతూ పోతే, మాల్దీవుల లాంటి కొన్ని దీవులు శాశ్వతంగా జలగర్భమవుతాయి.

2) పంటల వుత్పత్తులలొ మార్పులు

3) ప్రాణి కోటి మనుగడకు ముప్పు / వ్యాధులు వచ్చె అవకాశం.

గ్లోబల్ వార్మింగ్ (భూ తాపం) దేనివల్ల జరుగుతుంది?

1) వాహనాల్లొంచి వచ్చె పొగ వలన లేక కార్బొన్ ఎమిషన్స్ పెరగటం వలన.

2) గ్రీన్ హౌస్ ఎఫెక్ట్ (Green House effect)
గ్రీన్ హౌస్ ఎఫెక్ట్ అంటే వాతావరణం లోని పరారుణ వికరణ ఉద్గారం (infrared radiation emission) వలన భూమి వుపరితలం వేడి ఎక్కటం.

భూ తాపం (గ్లోబల్ వార్మింగ్) ని అరికట్టె విధానాలు:

మొక్కలను పెంచటం

విద్యుతును తక్కువగా వాడటం / ఆదా చేయటం

పేపర్ ను తక్కువగా వాడటం

రండి ఆందరం కలిసి గ్లోబల్ వార్మింగ్ (భూ తాపం) ని తగ్గిద్దాము.

Please be environment friendly.